邱晴「烏烏吓」攞大獎52萬 馬國明行運中三獎

東方日報
邱晴(右起)、陳偉洪、馬國明、林穎彤有幸參加抽獎環節。

台慶節目藝人抽獎環節繼續有錢派,大獎由20歲的藝人邱晴奪得,共得52萬現金獎及獎品,而二獎及三獎則由陳偉洪、林穎彤及馬國明奪得。馬國明坦言很開心,笑指自己行運:「我都唔記得贏咗幾多,只係知有獎金同獎品,我從來都冇乜抽獎命,由細到大擦紙膠一舊都未中過,所以今次都係大突破,對我嚟講係一個運嚟嘅。」

而邱晴表示整個過程都「烏烏吓」:「當時由阿姐(汪明荃)負責抽幾位藝員出嚟,我係第一個叫出嚟,當時都識反應,身邊同事叫我出去嘅時候,我仲呆頭呆腦,每個人可以揀一隻電動公仔,最後我揀咗兔仔,之後由頭帶到尾贏咗,好開心。(獎金點用?)會請同事食飯,尤其一齊練舞嗰班同事,都應該要五位數字。」

馬國明與邱晴抽中獎,梗係開心!