《那些我愛過的人》陳自瑤火辣水著登場搶fo 「星級人夫」嗒晒糖

陳自瑤近年唔理婚變傳言,密密拍劇做好自己,喺無綫新劇《那些我愛過的人》第一集身穿紅色通花泳衣登場,弗爆身材加白滑長腿搶晒fo,搞到唔少星級人夫嗒糖留言狂撩,38歲美魔女當之無愧。

撰文:東方新地

陳自瑤唔係高,不過身形比例真係無得頂,喺《那些我愛過的人》第一集以火紅泳衣登場,贏盡讚賞。
陳自瑤話拍呢張戲時天氣好凍好大風,不過佢好專業,盡力表現自己最好的一面。

陳自瑤自爆:「塊面瘦到我自己都有啲驚」

YoYo 表示:「在拍攝「那些我愛過的人」的同時,也正在拍攝《黃金有罪》,經歷着兩個截然不同的人生!可能當時沒什麼時間休息的關係,塊面瘦到我自己都有啲驚!🤣😝」
「雖然有一點點累,但對於熱愛工作的我來說,覺得很充實,很快樂!🥰❤️」

陳自瑤火辣水著 第一集登場

新劇《那些我愛過的人》第一集主要都係交代劇情嘅背景故事,講述Laura(黃翠如飾演)、佢老公阿輝(翟威廉飾演)同姜煜誠(林文龍飾演)老婆(楊卓娜飾演)遇到車禍,阿輝同姜煜誠老婆當場證實死亡,懷有雙胞胎嘅黃翠如因為穿羊水要即時生產,可惜孖胎中嘅囝囝夭折,只有囡囡可以生存下來。

黃翠如同連詩雅飾演兩姊妹,而陳自瑤就係佢哋嘅閨密,戲份都唔少。

七年過去,趕去見客的黃翠如本來想搵好姊妹陳自瑤幫忙聯絡細妹(連詩雅飾演),但陳自瑤竟然懶洋洋喺泳池邊瞓覺,聽唔到電話,陳自瑤喺劇中飾演黃翠如同連詩雅兩姊妹嘅好友,屬於中間人角色,相信仲有大把戲份。

陳自瑤喺劇中同黃翠如係好姊妹,拍完劇二人更成為好友。
第一集講黃翠如有要事要搵陳自瑤幫手,不過對方冇影.

刪去濕身戲份

雖然陳自瑤著泳衣出鏡只得幾秒,但佢話拍攝當時其實正值冬天,劇組人員個個著住厚衫大褸,只有佢著住紅色通花泳衣,喺池邊拍攝時仲凍到不停震,原本仲要拍一場落水戲,為免佢凍病第二日唔能夠繼續開工,監製同導演最後決定刪去游水戲份。佢喺IG分享拍攝呢場泳池戲嘅花絮照片,留言︰「大家今晚有看第一集嗎?喜歡嗎?記得拍攝泳池旁的這場戲時,天氣很冷,風很大,我覺得作為演員,有時更加需要學習忍耐,即使是簡單的一個場口,也要把最好的呈現給觀眾,你快樂,所以我快樂!」

只係得幾秒嘅泳衣鏡頭,其實拍攝時凍到震,陳自瑤仲要扮好享受咁瞓覺。
雖然件泳衣唔低胸亦唔性感,不過陳自瑤嘅弗爆身材完全表露無遺,身上真係一啲多餘脂肪都冇。

陳自瑤成為第一集出場演員中最搶鏡嘅一個,已經38歲嘅佢同王浩信育有一個八歲囡囡,生完小朋友依然火辣,水著鏡頭一出,除咗老公王浩信即刻Like外,連名草有主的袁偉豪、洪永城、人夫蕭正楠和陳山聰等都紛紛按讚,林子善忍唔住狂留言:「瑤瑤你唔好咁啦……我老婆問我睇睇吓電話做乜流鼻血。」林盛斌阿Bob亦驚嘆:「嘩!乜有呢啲㗎?等我睇番先。」陳自瑤當然好開心,不過佢只係好客氣回覆大家:「多謝大家支持!」

圈中大批好友,不論男女都留言狂讚陳自瑤超索,包括姚芷羚同陳敏之,阿Bob仲話自己錯過咗,要睇番嗰集。
啱啱做咗人父嘅林子善,亦留言話睇完陳自瑤水著,刺激到流鼻血。

努力操練身材

陳自瑤有樣有身材,全靠多年來努力付出,呢位最索人妻兼人母之所以生完女都咁瘦,長期保持住21吋蛇腰,原來背後下咗唔少苦功。佢曾經喺受訪時透露自己少少長肉睇上去已經會好肥,每當睡眠不足嘅日子更會出現身體水腫問題,所以佢不斷用盡各種方法減肥,保持美好身段。

陳自瑤為keep fit每星期會抽兩、三日做運動,如空中瑜伽、打泰拳、健身、跑步等,塑造身形線條。
陳自瑤已經38歲,但點睇都似少女,身材仲好到令唔少星級人夫嗒晒糖。
陳自瑤平日唔會特別戒口,但飲食以清淡為主,而且一向不好零食、謝絕甜品和汽水等致肥食物,難怪能長期保持美好身材。


BB大晒開鏡 演員爆料幕後笑料 陳自瑤水著相派福利

BB大晒開鏡 演員爆料幕後笑料 陳自瑤水著相派福利

Posted by TVBUSA on Monday, March 9, 2020

早前新劇〈BB大晒〉開鏡,YoYo都有回應水著派福利。

延伸閱讀:

38歲譚凱琪凸肚現身孕味濃 為老公傳宗接代忍痛推劇暫別娛圈

《降魔的3.0》宣布開拍?!2.0結局劇情重點、未完結伏線整合