《那些我愛過的人》黃翠如演技大爆發 網民大讚喊戲:睇得出你嘅努力同進步

黃翠如

由林文龍、黃翠如,連詩雅及馬貫東等人主演嘅無綫新劇《那些我愛過的人》,喺星期一已經開始播出,今次呢套劇可以講係黃翠如翻生之作。劇中佢飾演單親媽媽方樂汶,第一集老公已經因車禍被撞死,其中一個孖胎都因為車禍而難產,第二集講阿媽生細妹時過身,第三集又講超錫佢嘅奶奶無端端過身,真係慘到呢。

前晚嗰場喊戲,翠如簡直係演技大爆發,唔少網民都激讚佢進步咗唔少。劇情講到佢奶奶突然於家中過身,之後佢攬住個女好冷靜咁喊。再之後佢約咗陳自瑤傾偈飲嘢,喺陳自瑤離開後,佢一個人繼續飲,更巧遇林文龍並講自己嘅遭遇。雖然佢兩場戲都無大喊,但都完全感受到佢好傷心。

唔少網民睇咗佢嘅演出後,紛紛去佢社交網站留言話:「睇下今晚整喊幾多人?😣賠眼淚!」、「不要哭😭,還有我們,接下來的路,我們永遠陪你,支持你💗加油!演得太好了」、「好催淚同心痛既一晚😭方樂汶要堅強啲啊!!!❤️」、「今日媽咪都有睇💗佢睇到嫲嫲走嗰度都同我一齊喊咗😭好催淚😢😭😭」、「翠如 睇得出你真係進步左好多💛 做律師加油啊」、「呢集真係好感人❤️」、「蕭太演技有進步!👍🏼👍🏼」及「我哋都會陪著你走❤️🐠今晚太催淚😢😢睇得出你嘅努力同進步💪🏻💪🏻💪🏻」等等。

《那些我愛過的人》截圖
《那些我愛過的人》截圖
《那些我愛過的人》截圖
《那些我愛過的人》截圖
黃翠如
黃翠如