《那些我愛過的人》陳自瑤痛失BB崩潰大喊獲讚:之前未遇到好角色比你發揮

陳自瑤

無綫愛情懸疑劇《那些我愛過的人》已經接近尾聲,劇中唔少演員都表現得好好,一反觀眾對佢哋嘅睇法,有連詩雅及黃翠如等等,噚晚就輪到陳自瑤演技大爆發。

劇情講到Sabrina(陳自瑤飾)同阿鋒(李日昇飾)發生一夜情,喺意外懷孕後Sabrina本來諗住唔要BB,但受到幸而(黃芷晴飾)影響後決定要BB。點知佢去做產檢時,發現懷有葡萄胎,需要做吸宮手術保命。雖然Sabrina扮到完全唔在乎,但佢內心非常震驚,又喺女廁大喊,回想由接受唔到有BB到決定生,直到要終止懷孕,睇到觀眾心都痛埋。

陳自瑤

陳自瑤喺社交平台留言話:「BB無左啦,唔知點解我一諗起d眼淚就不停流落來,我好掛住個BB呀......😭😭😭總是裝作滿不在乎,裝作堅強的Sabrina,其實也有脆弱的時候....謝謝你倆一直陪在我身邊❤️」唔少觀眾睇完陳自瑤嘅演出後,大讚佢演技有進步,做得好有層次,完全表現到失去BB嗰種痛苦,演活女人堅強背後軟弱一面。網民仲紛紛留言:「呢場演得好好呀😉」、「你演得超好 我睇到喊呀😭」、「今晚我同我老公邊食飯邊讚你的超卓演技,好自然,不過火。👍👍睇好你,還有今集好明顯睇到你的皮膚也好好。通透有彈性。🤗」及「之前未遇到好角色比你發揮,今次做得好好,加油💪🏻!」等等。

《那些我愛過的人》劇照
《那些我愛過的人》劇照
《那些我愛過的人》劇照
《那些我愛過的人》劇照
陳自瑤
陳自瑤
陳自瑤
陳自瑤
陳自瑤
陳自瑤