【邊個最吸睛?】今年台慶女星衣著逐個睇

每年無綫台慶一班女藝人都悉心打扮, 同其他女星爭妍鬥麗。可惜今年無綫取消咗紅地氈環節,同埋將《珍惜香港發放娛樂TVB 52年》嘅直播改為錄影,令到成個台慶失色不少,不過一眾女星都冇令大家失望,  衣著都好有睇頭。而家就同大家睇下今年台慶嘅女星造型啦!

馮盈盈

真空打扮嘅馮盈盈,加上大露背,超級搶眼。

王君馨

人妻王君馨著咗條黑色平領長裙, 上身有少少民族風。

張曦雯

張曦雯以白色tube dress現身,除咗展露優雅儀態之外,仲仙氣指數爆晒燈添呀!

胡定欣

胡定欣以黑色長裙示人, 簡單得嚟又高貴大方。

湯洛雯

瘦咗嘅湯洛雯條裙睇落好似好保守,但其實有少少透視,加上可愛髮型,立即變成公主。

陳煒

陳煒黑白色長裙, 膊位有大花, 好有復古FEEL。


蔡思貝

蔡思貝新著粉紅色晚裝,難得低胸露事業線,可愛得嚟又性感。

譚凱琪

譚凱琪著玫瑰金色長裙, 公主味十足。

吳若希

吳若希著玫瑰金色修身長裙, 盡顯高瘦身材。

呂慧儀

「長腳蟹」呂慧儀選擇以白色中門大開晚裝,小露事業線一樣有睇頭。

簡淑兒

以白色大露背晚裝上陣,吸睛度都好高。