【邊位最養眼?】《萬千星輝賀台慶》女星衣著逐個睇

《萬千星輝頒獎典禮2019》噚晚喺將軍澳電視城隆重舉行,除咗關心獎項花落誰家之外,大家最想睇嘅一定係女藝人嘅衣着打扮啦!一眾女藝人梗係冇令大家失望,佢哋嘅衣著都好有睇頭。以下咁多位盛裝打扮嘅女星,你哋又覺得邊位最養眼呢?

張曦雯

俘虜一眾港男嘅張曦雯,以一條超低胸黑色長裙,又騷胸又露腰,性感程度爆晒燈。

高海寧

同樣係性感女神嘅高海寧,一條簡單白色低胸緊身長裙,上上下下都好性感。

李施嬅

奪得「最受歡迎電視女角色」嘅李施嬅,噚晚嘅晚裝就相對著得穩陣,著住白色長裙上身帶有黑色花紋,低調保守。

唐詩詠

唐詩詠以一身白色低胸晚裝出席,deep V低到肚臍,胸前又有塊輕紗作遮掩,若隱若現。

李佳芯

李佳芯上身黑色西裝款式,下身透視網紗裙,露出長腿美態盡現。

朱晨麗

朱晨麗以白色蕾絲貼身長裙示人,手袖用網紗縫製,不過下身就略嫌大隻。

趙希洛

勇奪「最佳女配角」嘅趙希洛,以鑲滿珍珠嘅鏤空白色晚裝示人,性感得嚟又不失貴氣。

馮盈盈

馮盈盈以往幾年都好有話題性兼最性感,但今年一反常態,以白色透視長裙,低調性感同時又不失氣質!

湯洛雯

「靚湯」湯洛雯以一身白色長袖裙現身,本來以為好密實,點知一轉身原來係大露背!

陳煒

陳煒以白色晚裝出席,前面大騷事業線,後面就係大露背!

王君馨

王君馨以超deep V 黑色露腿裙上陣,十分高貴。

黃翠如

黃翠如對比其他女星明顯著得低調,白色蕾絲長裙,露出小蠻腰。