邀日本歌手合唱 吳業坤被當香港巨星

東方日報

歌手吳業坤(坤坤)早前在YouTube上載和日本歌手山元聰翻唱周杰倫的歌曲《說好不哭》,逾一個月累積10萬次點擊,反應熱烈。昨日坤坤表示今次港日合作只是玩票性質:「暫時未有新唱片公司,想趁呢段時間做番啲Project,又咁啱學緊日文,咪試吓同日本歌手合作,膽粗粗亂咁Send自己啲嘢畀網絡歌手,提議吓一齊玩。」

他表示山元聰是其中一位有意合作的音樂人,彼此都有興趣作新嘗試,日前到日本一遊時就相約拍片:「我負責唱日文,佢唱國語,片入面嗰個日本妹係佢朋友叫楠玲奈。(有機會識日本妹喎?)佢都想介紹我識,可惜碰唔啱時間,等下次機會啦!」又說和日本人合作很搞笑,因為對方以為他是香港巨星,又覺得做了件好事:「佢話放片上網好多年,終於有人欣賞佢,覺得好感激。」