避談有喜!譚凱琪晒婚照多謝祝福

係咪有喜,過幾個月就知啦。

藝人譚凱琪早前秘密入紙,宣布同圈外富貴男友莊日宇(Enrico)結婚,東網踢爆佢以身體出現狀況為由辭演兩套劇集,傳佢有喜因未夠三個月,所以唔方便公開。

今日佢喺社交網上載同老公着住中式及西式禮服嘅時,唔少網友送上祝福,但佢顯得避談,發文表示多謝大家祝福:「We are passionately curious about each other so we decided to spend the rest of our lives together.This is the first of many celebrations to come(我們彼此之間充滿着好奇,所以我們決定將餘生一起度過,還有很多第一次等我們去慶祝)」

譚凱琪下嫁富貴男友莊日宇。
譚凱琪放上自己穿裙褂的照片分享喜悅。

她接受東網訪問時,表示本身於外國舉行婚禮,但因為現時疫情關係,所以都要延遲,她謂:「因為屋企老人家都為我哋準備擇咗個好日子,我哋都好尊重,所以都想喺呢個日子先進行一啲儀式,當日我哋喺至親見證下進行咗斟茶同簽字儀式,喺呢個情況亦唔想打搞到太多親朋好友。」

她坦言當日場面好溫馨、感動,尤其在斟茶儀式過程中,家人對他們的寄語,令她都不禁流下很多開心而感動的淚水,問到甚麼時候正式舉行婚宴,她謂:「我都好希望疫情盡快過去,大家都抗疫成功,身體健康。」

兩人已經低調成婚。