遺傳優良基因 Tom Cruise 11歲囡囡Suri少女味初現

Tom Cruise與Katie Holmes於2006年生下囡囡Suri Cruise,Suri遺傳咗爸爸媽媽嘅優良基因,擁有一對藍綠色嘅大眼精,五官生得非常標緻清秀,年紀輕輕已經流露著脫俗嘅靈氣,再加上Katie經常將Suri打扮到成個小公主咁,所以Suri從小開始成為傳媒關注對象。 

不過Tom Cruise同Katie Holmes於2012年離婚,當時只有6歲嘅Suri跟媽媽生活,記者亦都冇機會再影到Tom Cruise抱住囡囡嘅相。

早排有記者影到Katie帶埋Suri一齊喺紐約行街同睇籃球比賽,唔經唔覺Suri已經11歲,開始變得亭亭玉立,個樣生得愈嚟愈似媽媽。

Suri當日身穿碎花粉紅色羽絨外套,頭戴粉紅色大蝴蝶,可愛度滿分!佢手上仲拎住支棒棒糖,天使般嘅笑容,甜美度爆燈。難怪Suri細細個已經攞過「年度最佳著裝明星寶寶」同「年度最佳衣著人士」啦!