遭洪永城潑冷水:扮唔到劉德華 羅仲謙華Dee上身慘遭爆樽

1 / 6
■李成昌拿?玻璃樽陰陰笑。

【星島日報報道】羅仲謙為新劇《陀槍師姐2020》化身成華Dee,而拍檔洪永城大爆謙仔無時無刻模仿劉德華,惟大讚對方用心演出,還自備道具務求演得入型入格。

文、圖:鄺芷瑩

羅仲謙、洪永城、鄭俊弘及李成昌等為無 新劇《陀槍師姐2020》拍攝爆樽戲,劇情講述飾演黑幫頭目鄭俊弘於外面闖禍,令幫會內部出現矛盾,身為話事人的李成昌向對方施壓兼削權,鄭俊弘的手下羅仲謙代為受罪被李成昌以玻璃樽仆爆頭。謙仔拍攝被爆樽場面一take過完成,最搞笑是當cut機後,他即笑問:「我個頭(指髮型)有無亂到?」

飾演黑幫軍師的洪永城,表示戲中跟羅仲謙、鄭俊弘及李成昌在幫會中是四人組合,他為漂白社團會構思做正行生意,但跟鄭俊弘則十足經典古惑仔經常講打講殺又賣毒品,所以跟兩人關係對立。洪永城大讚今次角色好玩,劇中角色會有不少人生交叉點,會為求目的不擇手段。對於飾演其手下的羅仲謙,洪永城透露兩人有不少對手戲,他大讚對方用心演出,並會自備道具到拍攝現場,務求演得入型入格。他笑說:「謙仔會帶埋幾本公仔書《龍虎門》及《風雲》等放在背囊,又會準備香煙同戴頸鏈,而且為了今次角色更睇番劉德華以前演繹古惑仔的電影作為參考,因為他要瀟灑、市井又靚仔的格調,見他 牛仔褸同髮型都係華Dee 啦!仲要無時無刻都睇劉德華,我話佢:『你扮唔到佢啦!放棄啦!』」

洪永城出浴變侮辱

談到跟前輩李成昌演對手戲,洪永城坦言不時獲得對方教導,能夠帶動到一眾後輩演員投入演出。他說:「佢會話你知應該用甚麼情緒,甚至一舉一動,他的每一個動作都充滿氣勢,好有戲味。」雖然戲中動作戲不多,但洪永城笑言自己有好多桑拿及拳館戲分,又搞笑謂認為編劇寫出來要侮辱他,皆因同場經常有「健美先生」關曜 同「大波謙」羅仲謙,相比之下令到他身形變得好瘦削。他說:「我已經盡力操fit,但不及他們操得咁靚又大隻!每次拍桑拿戲,都係侮辱呀!」

讚轉數快相逢恨晚

首次跟洪永城合作的謙仔,笑言感覺相逢恨晚,因為對方轉數夠快,做對手最緊要好玩,因為相處傾偈時間多過拍戲。提到演出被爆樽戲,謙仔坦言入行以來今次首次被爆樽,以往爆人樽居多,但心情不緊張,因為有演出爆樽經驗,只要有技巧性就不會太危險。一身牛仔Look戲服的謙仔,感覺相當有劉德華的「華Dee」感覺,他笑言今次角色綽號正是「華Dee」,由於有搞笑成分所以有少少模仿劉德華的「華Dee」。他說:「為了這個角色我有睇番劉德華演出的電影《黑馬王子》,戲中劉德華的拍檔是張家輝,而我在劇中的拍檔是關曜 ,兩者的架構好似。」

■李成昌拿 玻璃樽陰陰笑。

■一轉身即將玻璃樽扑向謙仔。

■謙仔痛得即時彎腰。

■被爆樽後,謙仔即問髮型有沒有亂了。

■之後再站直腰時,已有鮮血流出。

■洪永城大讚李成昌帶領各人入戲。

娛樂

睇更多