違背父願 棄做運動員 何雁詩加簽保鄭俊弘

東方新地 - 娛聞

戀愛大過天的何雁詩,上年被揭戀上同門師兄鄭俊弘,即使背負第三者罪名,亦為愛勇往直前,今年一月,何雁詩決定約滿離無綫後復出再打哥爾夫球,重過運動員生涯。不過,近日她突然轉軚自動加簽歌手及藝員合約,原來又係為咗幫男友;據知鄭俊弘同唱片公司及無綫尚有幾年長約,眼見事業插水,惟有不停同高層𢱑撈,又氹女友何雁詩留低撐自己,為保男友事業,何雁詩不顧父母反對,放棄運動員夢想都要同男友共同進退。

撰文:東方新地|圖片:新傳媒圖片、何雁詩IG

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

【山竹襲港】藝人屋企失守!森美雪櫃被吹冧 龔嘉欣屋企水浸

偷食何雁詩 鄭俊弘 獲放生出碟

上年爆出背未婚妻偷食師妹何雁詩,之後又被指疑用釘帶虐狗,鄭俊弘形象插晒水,經過大半年時間洗底,今個月終於獲唱片公司放生解凍再出碟。據知情者透露:「星夢一路好睇重阿Fred (鄭俊弘),呢幾年佢機會好多,就算爆出一腳踏兩船件事,公司都肯再畀機會佢,要佢最緊要搞清楚啲關係,唔好拖泥帶水,但佢仲唔知悔改,唔夠幾個月又搞出虐狗件事,形象衰到貼地,公司對佢好失望,寧願將啲資源放去捧聽話形象好嘅Hubert (胡鴻鈞),阿Fred見Hubert呢一年聲勢咁好,都唔係好服氣,成日搵老細Herman (何哲圖) 𢱑撈!」

近期不停搵老細Herman𢱑撈的鄭俊弘,日前陪實Herman企街食煙吹水,十分識做。
唔生性的鄭俊弘兩度犯錯,無綫近年轉捧形象好演得又唱得的胡鴻鈞,卻引起Fred眼紅對方。


鄭俊弘畀幾年長約綁住,反而何雁詩今年八月約滿,可以大把選擇,曾經是哥爾夫球選手的她,更依父親意願計劃離巢復出 再做運動員。何雁詩六歲已經開始打哥爾夫球,曾於10年代表香 港出賽「廣州亞運哥爾夫球賽」,入娛樂圈才放棄運動員夢 想。據知情者透露:「Stephanie(何雁詩)性格好硬頸,佢唔覺 得拍拖有咩唔啱,唔鍾意下下畀公司管住,咁啱年中約滿,佢一 早計劃咗復出再打哥爾夫球,一月佢參加業餘哥爾夫球賽,仲攞到冠軍,更加唔想再留喺娛樂圈。」

未入行前,何雁詩是哥爾夫球選手,早年曾代表香港出賽亞運,今年一月更復出參加業餘哥爾夫球女子賽,最後加洞奪冠。



激嬲何爸爸

不過為保男友,何雁詩最終選擇續約留低同男友共同進退。據知情者透露:「Stephanie話想復出打Golf,何爸爸好支持,始終娛樂圈呢行壓力大,是非又多,何爸爸都唔想個女留喺呢個圈咁辛苦,點知Stephanie最後改變主意又為咗男友而留低,激到何爸爸好嬲,但勸唔掂個女,所以一直對阿Fred印象麻麻,不過唔想個女情緒病復發同唔開心,被迫接受。」

出道已被爆有家底的何雁 詩,是父母掌上明珠,未滿21歲父母已送贈近千萬的浪澄灣物業。

續約即拍劇

為保男友事業,據知何雁詩同無綫續約留低,之前扭計辭演《誇世代》的她,立即復工拍攝新劇《牛下女高音》。


甜蜜放狗

日前,本刊就捕獲何雁詩同男友鄭俊弘拍拖出巡,一齊在西貢放狗兼約友人茶敍,之後齊齊返回西貢村屋寓所,有男友在身邊,何雁詩全程笑唔停,愛情魔力,真係令人無法想像。

雖然外界一路唔睇好,但自從上年四月公開認愛後,鄭俊弘何雁詩至今仍愛得熾熱,日前兩人拍拖去西貢放狗全程表現甜蜜。
發現記者,兩人表現友善,不過曾被指虐狗的鄭俊弘,拖住隻拉布拉多犬都有啲尷尬,而當日所見狗狗亦冇再用倒鈎釘帶拖住行,換咗用索繩狗帶。
放狗期間,狗狗在花槽旁邊突然屙尿,搞到跟在身後的何雁詩好狼狽,急急行開。
鄭俊弘就立即從袋中拿出水樽,用水沖走啲狗尿,好有公德心。
鄭俊弘何雁詩拍拖放狗外,兩人仲約咗朋友在寓所附近的露天茶座飲嘢吹水,唔係單單拍拖二人世界,仲有共同朋友,睇嚟兩人感情已趨穩定。
之後兩人拖狗行返西貢村屋愛巢,臨返入屋前,何雁詩還轉頭同記者講再見,好有禮貌。

同場加映:鄭俊弘以前有個富貴未婚妻

鄭俊弘同何雁詩之前算係上位中的大台藝人,形象健康,愈來愈多機會喺不同劇集亮相。不過去年被大爆,其實阿Fred有個已經收埋三年的富貴女友,佢更在15年向女友求婚成功!女方一家無論生活定感情上都對阿Fred照顧周到,但男方就唔知足去偷食,搞到何雁詩做咗第三者!

深圳求婚成功

話說早於2014年7月一個船P上,鄭俊弘認識由外國讀完船回港的富家千金,Fred暱稱對方為Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!

旅行女家俾錢

既然阿Fred同Beebs都打算結婚,女方家人都當正佢係女婿一樣,每次一齊家庭旅行唔係坐頭等就係商務客位,就算係旅行使費,對方都唔會問阿Fred攞番;而近年沒有工作的Beebs亦專心替未來老公打理家中大小事務,由飲食到愛犬都照顧得無微不至,似乎係個賢妻喎!

Uber出事

不過,鄭俊弘同何雁詩拍完〈真心真意〉MV後,突然對Beebs態度有變、忽冷忽熱。一晚阿Fred相約未婚妻到自己愉景灣屋企玩煮飯仔,本來話自己會9點返到,點知最後話要開會搞到凌晨四點先到家,女友一早已經瞓咗。翌日Beebs如常替阿Fred處理單據時,發現對方開咗個新Uber戶口,見到佢凌晨3點由大埔滌濤山去中環碼頭,付款人仲係一個「Stephanie Ho」開頭的戶口!

發火刪除訊息

據知Beebs即時大興問罪之師,不過阿Fred不斷強調同何雁詩只係朋友,而Beebs亦一時心軟原諒對方,之後更煲咗愛心湯去男友愉景灣寓所。點知Beebs當時就發現阿Fred冧滋滋咁同何雁詩講電話,於是要求Check電話,阿Fred見事敗就即時大發脾氣話唔俾,仲delete晒自己同何雁詩的Whatsapp紀錄,不過同何雁詩的大量通話紀錄就仍然喺度。

依家阿Fred承認鍾意何雁詩,而Beebs亦終於睇清未婚夫的真面目。

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

【延禧攻略】光頭定有頭髮靚仔啲?盤點《延禧》三位小鮮肉chok爆對比照

光頭

延伸閱讀:

陪未婚妻學車 陳展鵬 單文柔 高調拍拖