遊勻半個地球抗疫?馬德鐘爆肌晒螢光泳褲


好寫意~

新冠肺炎全球爆發,但馬德鐘同老婆張筱蘭無懼疲情遊勻半個地球,仲去到已有確診個案嘅尼泊爾同澳洲,再去埋斐濟,行程相當豐富!

去尼泊爾同澳洲,再去埋斐濟!
老公視角!

張筱蘭喺微博上載多張合照,留言話與炎共存:「由香港的千島湖,去到尼泊爾Pokhara接近Annapurna腳下的山丘和充滿靈氣的Phewa Lake及World Peace Pagoda,再踏進菲濟的陽光海灘和Sleeping Giant,再去到澳洲悉尼國家公園內Figure 8 Pools和石灘,又回到香港的千島湖,投入大自然的懷抱就是抗疫的最好良方。與炎共存,挑戰自己,永葆(保)青春,反(返)老還童!」其中有張相兩人驚變10頭身,不過都唔及馬德鐘嘅泳照吸睛!

張筱蘭話與炎共存,投入大自然的懷抱就是抗疫的最好良方。
呢張相影到佢哋變10頭身咁誇張!


返到香港繼續親親大自然!

着上螢光綠色泳褲嘅馬德鐘喺泳池中大字形咁半載半浮,好似漆黑中嘅螢火蟲咁,結實身材盡現!

不過點都唔夠呢張相搶Fo喇!

而馬德鐘亦加碼上載阿仔馬在驤兒時及現在泳照對比,留言:「真沒有想過你會變成這樣!」在驤比老竇更大隻,果然青出於藍呀!

阿仔細個肥嘟嘟!
果然青出於藍呀!
老婆視角!