【進擊的小三】廖碧兒密約富二代男友慶祝情人節

廖碧兒

現年41歲嘅廖碧兒,入行多年演藝事業一直浮浮沉沉,相反佢嘅感情生活就精彩得多。佢先後同過陳豪、劉愷威拍拖,之後再轉投搭上富二代盧啟賢(Calvin)。有指男方同泰國電訊商千金Nina已經拍拖7年,當時廖碧兒得知自己做小三後立即宣稱已「分手」。今日有報道指佢哋根本冇分手,而係轉做地下情。喺情人節正日,廖碧兒喺社交網站大晒收到99朵玫瑰嘅相,之後又被發現佢跟Calvin喺五星級酒店食飯慶祝情人節,而Calvin亦都帶埋同前妻所生嘅女兒一齊食飯,廖碧兒仲準備咗情人節禮物俾男友個女。喺離開嘅時候,佢哋好小心咁各自各揸車走。

其實廖碧兒同正印Nina明爭暗鬥兩年幾,佢同Calvin試過兩個飛去法國度假,廖碧兒又試過以女主人身分幫開Calvin搞生日派對等等,廖碧兒完全冇介意自己小三身份,仲喺社交網站晒出佢同Calvin嘅合照,擺明公然挑戰正印。

廖碧兒
廖碧兒
廖碧兒
廖碧兒