連詩雅Keep住舊愛啲嘢 香閨變垃圾崗

東方日報
連詩雅笑言仍未做到灑脫放下舊事。

昨日歌手連詩雅到電台宣傳新歌《說分手》,透露歌曲叫人學識灑脫,將過去的事放低,但她笑言未做到,念舊的她更仍保留前度的物品:「但我唔會攞出嚟睇,所以屋企好似垃圾崗,因為我媽都係咁,佢仲收埋讀書時嘅信,佢後生好多人追,身材玲瓏浮凸,但我就遺傳唔到。」問到男友徐浩可有叫她清理前度的物品?她笑說:「我哋有次有傾過,不如大家將前度嘅嘢攞出嚟一齊毁滅,但之後大家都忙,所以就冇咗回事。」

另外,講到她右腳大髀內側血管增生,她說:「我依家一係做手術切除,一係就做微創手術,但要唔做運動一排先得,但對我嚟講又好難,所以我都仲考慮緊,但我希望下年可以解決到,因為出年10周年,如果開演唱會就要好嘅體力同要跳舞。」