連詩雅鬧爆逃疫監:見到會舉報!

東方日報
連詩雅自嘲廚藝麻麻,負責試食。

藝人連詩雅(Shiga)昨日與黎紀君及邢慧敏拍攝飲食節目,Shiga自認廚藝不精,只會煲湯,故下廚工作交給紀君和慧敏,她則負責試食。面對不斷有新冠肺炎確診個案,Shiga說:「最近我有個超級好嘅朋友,同一個朋友喺日本食咗一次飯,點知對方之後確診,我好朋友知道後即刻去政府隔離中心,又去醫院做檢查,好彩最後冇事。(你有冇見過好朋友?)佢日本返嚟之後冇見過,仲諗住見。」

提到戴手帶的隔離人士被發現周街走,她說:「當然唔好,為自己為他人都唔應該,如果真係冇一個合理原因係幾難接受。若果畀我見到,我會打熱綫舉報佢哋。」至於開蛋糕工房的紀君,因疫情關係改為一對一教學,生意難免受影響。

三位靚女呼籲大眾留家煮食,減少外出。