【《逆緣》番外篇】陳家樂林夏薇神演繹《喜劇之王》經典場面

近排晚晚都睇到陳家樂喺無綫劇《逆緣》嘅演出,對於佢靚仔嘅外型及木木獨獨嘅性格,再加上唔錯嘅演技,觀眾都非常受落,有新鮮感之餘,有觀眾仲話佢粗眉大眼有啲似彭于晏。

噚晚,陳家樂同林夏薇都分別喺社交平台上載咗一段《逆緣》番外篇嘅短片,短片中佢地參照星爺《喜劇之王》經典場景,專登去返《喜劇之王》個拍攝場地,連對白同動作都好似。 陳家樂做得好棧鬼,原本Aki(林夏薇飾)係想同爺爺表白,但爺爺就諗唔通諗唔透,反而教Aki點樣表白,講嘢嘅語氣好啱嗰個年代。而林夏薇都唔差架,除咗跟足當年張柏芝個造型,仲連個對死唔眼閉嘅眼神同雙腳夾住對方都學埋。

佢兩個真係愈睇愈襯,真係好期待佢哋喺劇集仲會有咩火花呀!