追仔成功!蔡少芬第三胎出世 張晉晒全家福

恭喜晒!

恭喜恭喜!現年46歲嘅蔡少芬(Ada)追仔成功,第三胎出咗世喇!Ada老公張晉喺微博上載一家五口全家福及大手拖小手照,宣布喜訊,更透露囝囝改名叫張樂兒:「11月15日,母子平安,歡迎張樂兒來到張家,我們平安回家啦!」見一臉素顏嘅Ada,精神不錯!

蔡少芬2008年下嫁張晉,之後分別於2011年及2013年誕下女兒張楚兒及張信兒。相隔多年後,今年6月蔡少芬宣布佗第三胎!而佢就曾透露佗第一胎時小產,隔咗半年後再次懷孕,之後仲一直希望為老公生番個仔,但努力多時未能成功,如今喜獲麟兒終於得償所願呀!