【農夫演唱會】堅持零內部認購︰全場1500人都係真金白銀買飛!

昨晚(11月9日)農夫完成首場《農夫十八歲生日快樂演唱會》,成軍十八年,他們在演唱會中向入行生涯以來遇到的5個人致謝,頭2位包括是經理人DJ Tommy以及Do姐鄭裕玲。演唱會中段,他們再向子華神致謝:「黃子華嘅棟篤笑可以說得上係我哋嘅胎教,我哋一路都好鍾意佢,直到我哋有幸去到佢《金盤𠺘口》嘅慶功宴,當時酒過三巡,全部來賓都盡興而歸,正當我哋都諗住走嘅時候,子華就捉住我哋話傾多陣,點知一傾就係六個鐘,足足係佢個騷嘅三倍時間。」隨即唱出新歌《面斥不雅》。

唱首歌收律師信 C君︰勁過LMF

元祖農夫再現,原主音GiGi及DJ Galaxy現身台上,不但即場重新拍攝一張元祖農夫的舊相,更唱出他們的舊作《十七年華》。

農夫亦順道感謝第四個人,舊老闆陳冠希:「有幾隻唔錯嘅碟都係Edison幫我哋做,當中一隻叫《O'FAMA》嘅碟,入面有首歌令到我哋人生第一次亦係唯一一次收到律師信。事緣當時有2個團體都比較多負面新聞,而我哋根據呢啲新聞去寫咗首歌出嚟,最後其中一個團體發律師信要求我哋將呢首歌喺YouTube上面下架,對我哋嚟講都冇乜所謂,因為對方似乎唔清楚fb運作,我哋下咗架,轉頭又會有百幾個人Upload返上去。」隨即唱出《信不信由你》,而到底是什麼團體發律師信給農夫,到最後都沒有揭曉答案,但深信不難在這首歌當中找到答案。


農夫開騷爆Do姐秘密:平時佢鬧我哋垃圾,只係螢幕前嘅造作!

演唱會中段,農夫亦有提及黃牛問題:「通常呢個時間都係要多謝贊助商,不過我哋係冇贊助商。上次演唱會我哋有指定贊助商,所以我哋冇賣飛壓力,贊助商已經幫我哋包咗一啲,不過就好多人話買唔到飛,最後要買黃牛,千幾蚊一張。千幾蚊睇農夫?你點同阿媽交代呀?而我哋作為表演者最嬲嘅係,佢哋唔洗綵排、唔洗做音樂、唔洗做騷,最後賺得仲多過我。」

一輪笑聲過後,他們續道:「所以今次呢個騷,1500個座位,我哋決定全部推出去公開發售,入場嘅每位朋友都係真金白銀買飛入嚟!」取而代之,又是一輪熱烈的掌聲。

農夫出道初期原來連錄音室都冇 陸永:當時做歌都比較家庭式

真係回水

Encore時段,農夫邊唱《風生水起》邊與觀眾握手,麥玲玲師傅突然現身Feature她的Rap部份,全場樂迷起哄,氣氛去到全晚最高點,其實玲玲師傅正是農夫第五個要多謝的人。玲玲師傅更大派生日利是給二人,農夫即場拆利是,發現利是合共一千元,更即時派給當晚生日的歌迷,可謂「真正回水」。

演唱會散場時,農夫亦繼續去年演唱會傳統,有「迎賓」自然就有「送客」,二人從台上走到出口,逐一與樂迷握手答謝。

點擊瀏覽《香港01》更多內容和圖集

你可能感興趣:
【Clockenflap 2018】記者實測Levi’s®攤位有咩玩 即場燙章DIY
【麥浚龍X謝安琪】台上吸煙引哄動 Juno霸氣解話