【辣伙頭】Edan@MIRROR為逃避地獄料理出貓 保錡望報銷肚痛錢

【辣伙頭】Edan@MIRROR為逃避地獄料理出貓 保錡望報銷肚痛錢

ViuTV全新飲食節目《辣伙頭》將在2020年2月播出,節目請來陶大宇、郭政鴻、名廚楊尚友擔任評判,八位美女準廚負責烹飪,而周四(21日)MIRROR成員Edan(呂爵安)、ERROR成員肥仔(梁業)與保錡則為本集錄影嘉賓,談到評分準則,三人均同意最重要好食!而拍攝節目之前,三人均為遇上突發狀況做足心理準備,Edan說:「我哋食咗好豐盛嘅午餐再嚟!」肥仔又推舉保錡為「劣食界王者」,保錡就反駁說:「但海鮮冇得sashimi(刺身)!我食過甜蝦,但未食過甜蟹!」唯Edan提醒有醬油蟹的存在後,保錡被說服:「都要食㗎啦!」

Edan為逃避「地獄料理」又想到一個「出貓」的方法:「準備定個袋,扮食但其實倒咗落去!」保錡就持相反意見,覺得應該敬業樂業,唯Edan提出把食物都讓給他時,他連忙拒絕。Edan補充說:「聽講佢哋嘅廚藝唔係真係咁差,不過好似有啲類似煮香蕉嘅地獄料理。」肥仔就不以為然:「我會大膽嘗試嘅,試咗先囉,唔好食咪Lur,最多咪嘔!」

談到各自的廚藝,Edan坦承說:「我係零啊!」保錡說自己會煎蛋,卻被肥仔揭穿:「煎蛋唔落油!」肥仔則覺得自己的廚藝中規中矩:「識煮兩味啦,(拿手菜是?)都係西式多,Risotto、意粉之類。」立刻引來Edan與保錡的讚嘆聲,二人又搶着承認:「我都識煮公仔麵㗎!」

點擊瀏覽《香港01》更多內容和圖集

你可能感興趣:
【全民造星II】A1表演「被甩Beat」 Stanley@MIRROR勁嬲:咁都得?
【區議會選舉2019】MIRROR與ERROR盡公民責任 Edan:通識都有教