【辣伙頭】陶大宇郭政鴻做評判被搶風頭 「坐埋一邊冇人睬」

【辣伙頭】陶大宇郭政鴻做評判被搶風頭 「坐埋一邊冇人睬」

ViuTV全新飲食節目《辣伙頭》於周四(21日)進行錄影,請來陶大宇、郭政鴻擔任評判,二人對負責烹飪的八位美女準廚讚不絕口,郭政鴻說:「睇佢哋咁靚女,煮餸可能亂七八糟,廚藝係預想不到咁好。」陶大宇亦同意:「正所謂入得廚房、又入得片場,開頭以為佢哋都係玩下,但佢哋令我改觀!」

問到二人會否過幾招予八位美女準廚,陶大宇笑說:「我哋冇資格,因為ViuTV知道我哋兩個唔係好掂,就請咗個專家Christian(楊尚友),相信大家都對佢唔陌生;佢係法國人,所以對飲食好認真、執着!」陶大宇、郭政鴻又挺在意這件事:「Christian一返嚟,八個參賽就圍埋去取經,我哋兩個就坐埋一邊冇人睬,補下妝、飲下咖啡。」

點擊瀏覽《香港01》更多內容和圖集

你可能感興趣:
【詭探前傳】秋官神級演繹連環喪女之痛 沈殷怡險遭陳郁憲姦殺
【詭探前傳】阿海背叛陶大宇後遭處刑 絕子絕孫後入魔變最強奸角