跪低為爆有女星撩開房道歉 吳啟華:今後一定不會再犯﹗

吳啟華和馬國明最近為宣傳《飛虎之雷霆極戰》而上阿Bob同伍詠薇主持的「Tiger’s Talk」訪問時,透露到內地工作時,曾被合作的「萬人迷」女星誘上房,立即掀起全城猜猜誰是「派匙咭女星」競猜遊戲。不過今日吳啟華公開為此事道歉,話作為公眾人物應該要言行小心,承諾不會再犯﹗

文:東方新地

 

吳啟華長駐內地發展,要養女同養埋前妻一家,今後說話要謹慎﹗
馬明在節目上自爆曾被內地女演員給房間號碼誘他上房!

吳啟華改口非親身經歷:只是聽來的奇聞往事

吳啟華在微博就爆料一事公開道歉,佢首先表示其實只是一啲偶然聽到的娛圈奇聞,只是為了好玩好笑,來否認真有其事,並否認是自身經驗,只為製造節目效果,表示絕對無意醜化誰,更不希望大家再胡亂猜測,並表示:「如果對任何人因為這次事件造成有甚麼不愉快的,小弟在此深表歉意﹗事實上,我跟助手分析過今次事件,我也確實意識到自己的不該和不是﹗身為公眾人物,言行確實該份外小心﹗今後一定不會再犯﹗請大家原諒﹗」跪低宣言突然否認是親身經歷﹗反差實在太太﹗網民對其道歉反應好壞參半,有的認為只是製造效果不用太認真,有些又指吳啟華會令某些人造成傷害。吳啟華幾乎長駐內地工作,前妻和女兒都是住在內地,而56歲的吳啟華既要養女又要養埋前妻一家,言行真係要小心啲,保住飯碗要緊﹗

跪低為爆有女星撩開房道歉 吳啟華:今後一定不會再犯﹗
跪低為爆有女星撩開房道歉 吳啟華:今後一定不會再犯﹗
跪低為爆有女星撩開房道歉 吳啟華:今後一定不會再犯﹗

吳啟華馬明爆內地拍劇被女星誘開房

近年唔少人返內地拍劇賺人仔,已經穩坐無綫一哥的馬國明亦唔例外,近年不時北上開工的他,除了拍內地劇,亦經常在國內拍TVB劇。日前,馬國明與吳啓華一齊上伍詠薇同阿Bob主持的邵氏特備節目《飛虎之雷霆極戰 Tiger’s Talk》受訪,馬明大爆被女演員給房號碼挑逗他上房,主動向出名正值「天然呆」的馬明獻媚,到底呢個女演員係邊個?!

日前,馬國明吳啓華一齊上伍詠薇同阿Bob主持的《Tiger’s Talk》接受訪問。馬明就大爆在內地拍劇期間,有女演員主動給他房間號碼挑逗他上房,他直言:「有啲唔係好熟嘅女演員,真係畀個房號碼我!」向「天然呆」馬明埋手,呢個女演員真係挑戰難度,馬明之後更表態自己一定唔會接受。「一定唔會,容乜易一入去成班麻甩佬捉黃腳雞!主動到咁,梗係唔會啦!我覺得係裝我多過愛我!」

吳啟華補充:一線女星係男人都啱、成組人都派房

同場的吳啟華聽到馬明的故仔,隨即大爆料,指類似情況他在內地拍劇早就司空見慣!更直指逢男人都主動派房號上房的更是一線女星。他繼續爆料說:「我聽到嘅係,成組人都派!」

吳啟華親證,大陸一線女星逢人就派自己的房號:「成組人都派、晚晚都派⋯⋯」

伍姑娘疑似知情:「通常呢啲人(個名)都係疊字嚟㗎⋯⋯」

伍姑娘打蛇隨棍上問:「係咪女一嚟呀?」

吳啓華毫不忍瞞說:「直頭係萬人迷,喺大陸劇組,好多人都識佢,我知道真係全組人都派((房號碼),壞女人壞到咁!係晚晚都派!呢啲人我唔會識!」

不過阿Bob同伍姑娘就唔多信咁話:「講真!如果唔係個個派呢?」估唔到食慣夜粥的吳啓華,就忍唔住笑爆響口話:「咁呢,就可能會考慮!」

「孖字嚟㗎⋯⋯通常呢啲人都係⋯⋯」

誰是派房號女星?吳啟華大陸劇合作女星眾多

回顧馬明返內地拍劇,曾合作女演員的確唔少,好似同阿佘曾合作過《賭城群英會》,與胡定欣合作《深宮計》,又與胡杏兒合作過《梟雄》,與及和朱晨麗及楊怡合作《名媛望族》。

至於同吳啓華合作過的女演員一樣相當多,例如蔡少芬、佘詩曼、陳慧珊、鄧萃雯等等,就咁睇就未見伍姑娘口中所講的「疊字名」,網民不妨自己估吓啦!

吳啓華接力再爆料,指這個一線女演員是萬人迷,內地劇組無人不識!
馬明坦言唔會受媾!怕入到房被捉黃腳雞!

睇片:Tiger’s Talk.內地女星主動獻身馬明

阿Bob同伍姑娘問四位《飛虎》型男 #馬國明 #王敏德 #陳山聰 #吳啟華 有無遇過壞女人,馬明就話喺內地拍劇曾經有女星主動俾酒店房No.,好彩佢定力夠無上釣;啟華哥仲勁,佢見過某一線女星將酒店房No.俾晒全組拍攝人員……呢鋪真係睇落外表好斯文,其實內裡好Open!

下一頁:《飛虎》第7集派膠劇情 黃宗澤徒手拆炸彈、出動《星戰》BB8客串做自殺式炸彈

吳啟華娶相差21年高顏值前妻 35歲石洋子回復單身揮霍歐遊

吳啟華與細二十一年的石洋子,於14年結束七年夫妻關係時,曾有報道指石洋子是個洗腳唔抹腳的「大花筒」,才導致婚姻破裂,事隔多年,對於離婚原因當事人已經不願多提,吳啟華繼續努力搵銀,石洋子則減少工作,全力玩樂為主,35歲的她做回單身女王,生活越見精彩。

撰文、圖片:東方新地

吳啟華每月付前妻6萬贍養費

回想離婚原因,吳啟華至今仍維護嫩妻說:「想買靚嘢係人之常情,除非我冇能力,有能力會滿足佢,而且佢係我太太,唔買畀佢買畀邊個呢?」二人離婚後,女兒吳熙兒隨外婆於長春生活,吳啟華對妻女及前岳母照顧依然,有傳石洋子每月拎6萬人 仔贍養費,此外吳啟華還要全權負起女兒的供書教學生活所需及前岳母的生活費,單是前妻與女兒的生活費已達廿萬。

55歲吳啟華於07年與內地藝人石洋子在港註冊結婚,翌年在北京誕下女兒吳熙兒(小豬豬),二人於14年離婚並承諾共同撫養女兒。
石洋子22歲生下小豬豬,是個年輕潮媽,女兒遺傳了她的標緻五官及白滑皮膚,兩母女走在一起似足兩姊妹。
吳啟華曾透露為補償女兒,近年會帶前妻、女兒及岳母一齊去旅行,以四人的方式享受天倫樂,在女兒面前盡力維持完整家庭的模樣。

石洋子回復單身唔憂柴米

與吳啟華離婚後,石洋子做回單身女王,女兒長期交由母親照顧,有指她唔使湊女個個月唔使做都有錢收, 周遊列國吃喝玩樂不知幾 happy。 過 去幾年, 石洋子幾乎個個月都外遊,除了日本、東南亞等地,歐洲是她最常踏足 的地方,周身名牌穿梭歐洲各大名勝及景點,仲要食好住好歎世界,近年甚少工作的石洋子,多 得前夫吳啟華眷顧,可以繼續過其單身貴族奢華生活。

吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊

相差21年無阻愛意 離婚後生活更精彩

石洋子是大陸女演員,2004年因出演《俠醫傳奇》中的葉知秋一角而踏入演藝圈,同年出演電視劇《上海灘之俠醫傳奇》,與吳啟華相識。2007年,22歲的石洋子與43歲的吳啟華註冊結婚,二人在長春舉行婚禮。一年後石洋子在北京破腹產下一女,小名「豬豬」。2014年,吳啟華與石洋子離婚,而女兒吳熙兒的撫養權則歸吳啟華所有 。現年 35歲的石洋子離婚後,被網民指越來越漂亮,似乎離婚對她並沒有什麼負面影響。

吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊

吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊
吳啟華相差21年高顏值前妻 35歲石洋子回復單身揮霍歐遊

吳啟華相差21年高顏值前妻 35歲石洋子回復單身揮霍歐遊

延伸閱讀:

#SailormoonReDraw「月野兔之亂!」全球插畫師惡搞《美少女戰士》 、香港畫師參戰!

2021年香港公眾假期攻略+假期日曆;明年4個紅日在周六!