趙頌茹為老友記派飯

東方日報
趙頌茹「煮」意多多,不時炮製新菜式氹囡囡。


藝人趙頌茹前晚拍攝香港開電視節目《幫人有限公司》到筲箕灣一間燒味店,免費派發100個飯盒給老人家。育有兩女的她經常下廚,更不時自創菜式,問到會否是「罐頭家長」?她說:「唔會,我係去街市買餸煮嘅人,但有時阿女要求,想食午餐肉都會整畀佢食,但都會花啲心思去整,盡量學整一啲出面食嘅嘢,吸引佢哋。」


提到農曆年忙於拜年,她笑言:「當小朋友放假,做阿媽嘅係最忙,反而佢哋返學自己就會多番啲私人時間,可以拍吓片,做啲網上平台工作。」問到可有攻打四方城,發新年財?她說:「啲人行開行埋幫人『戥腳』,都好辛苦O架,我又唔係好識打,唔好話贏錢,保住唔輸錢已經夠。」

 

是日精選

 

阿嬌情人餐甩底老公嬲豬

傳宇宙級港女吳若希婚姻亮紅燈-婚姻中忍讓不是必然

林文龍批准翠如隨時收工造人

樂易玲嘲情史抹唔走-吳業坤開騷征服世界

女大18變定造型出事-張曦雯-突然同do姐撞樣

撇低仔女睇冰上曲棍球-鍾嘉欣孖老公二人世界上電視

李彩華6呎-鋼男-私有化-啜手指放閃