趙希洛攞獎媽咪讚都冇句

東方日報
趙希洛劇接劇,大把機會發揮。

藝人趙希洛昨日到電台接受訪問,自她在頒獎禮上奪得「最佳女配角」後,尚未有機會與兩位姊妹黃智雯及李施嬅慶祝,就連家人都未有時間坐低食飯。曾經是演員的希洛媽媽梁小玲對她入行曾不贊成,如今備受肯定兼贏得獎項,希洛稱並未得到媽媽的讚賞:「我有帶個獎返去畀爸爸媽媽睇,但佢哋冇乜大反應,佢哋應該開心,但冇表露出嚟,我爸爸都只係同我講咗句Good Job。(可有不開心?)我屋企喺呢方面比較傳統,向來踩就係強項,唔會讚(o架),但我思想正面,咁都好,可以更激勵到我,等我更努力!」

此外,奪獎後劇集接個不停的希洛,稍後會參演《陀槍師姐V》和《踩過界Ⅱ》等,其中《踩》劇中她會演越南華僑,她稱好彩表嫂是越南人,可以跟對方學越南話:「我語言天分唔高,但有個表嫂教好好多,但啲音、停頓位有啲怪,我努力將佢Tune到接近香港化,唔想大家聽落咁『銀』耳!」