超激!誓掀高潮 梁漢文廢校性侵王敏奕

齋睇相都覺得激!

藝人梁漢文、王敏奕及張慧儀主演的ViuTV新劇《假設性無罪》即將推出,以職場性騷擾為題材揭起熱話,劇情交代身為設計公司職員的王敏奕指控遭上司梁漢文性侵,但雙方各執一辭,最終發現原來王敏奕其實另有企圖。

首集劇情挑戰大膽尺度,梁漢文與王敏奕在廢校拍攝的性侵戲份誓掀高潮!拍攝期間二人埋位前表現尷尬,梁漢文表示導演要求甚高:「呢場重頭戲係成套劇嘅精華,導演話要拍得好細緻,達到完美效果。我叫王敏奕小心啲,因為拳腳冇眼,呢度又暗黑,真係整到佢都唔知。」王敏奕則表示身處廢校,怕鬼多過怕尷尬:「喺廢校拍攝都有少少陰森,不過好在今日陽光普照,都唔係太驚,我都叫梁漢文唔好講恐怖嘢。」

而另一場精彩場口則落在張慧儀身上,劇情講述她與小鮮肉在酒店上演一場意識大膽的性感戲份。她指除要演床戲外,其後更要她玩性玩具:「其實諗深一層,又唔係尷尬,因為連性玩具都唔敢攞嘅話,其實係咪反而唔正常呢?編劇寫得出嚟,證明有咁嘅事真實存在。」