《 超時空男臣 》首播 四大膠位逐個捉!

無綫Amazing Summer開鑼,其中一套重頭劇、蕭正楠、田蕊妮及曹永廉等人主演嘅《 超時空男臣 》噚晚就播出咗第一集,劇集又又又係穿梭時空橋段,而且估唔到一嚟就出現唔少盞鬼笑位,引嚟網民熱論!依家就等我哋一齊膠位逐個捉!

延伸閱讀:

甄子丹 攝功出色 囡囡Jasmine星味濃

全功能性背囊 6款必買 NIKE背囊

1.「傳音小匣子」VS 打火機信物

劇情講述蕭正楠、曹永廉同何廣沛護送太子妃出嫁途中,由明朝穿越去到2017年嘅一個片場,並遇到飾演臨記領班嘅楊詩敏(蝦頭)。此時,蝦頭個手提電話突然響起,未見過任何科技產品嘅三位古人當然好驚訝,仲問蝦頭呢個「小匣子」係何方神聖!之後蝦頭又靈機一觸自稱係滿州公主「還珠格格」,仲話要同三位古人結為友好之邦。及後曹永廉拎出一塊玉佩作為信物,而蝦頭竟然拎咗個打火機出嚟交換!三位古人見到唔洗鑽木取火,當然對此寶物嘖嘖稱奇 !

經典寫真女神逐個睇 

《超時空男臣》 劇情介紹

超時空男臣


三位「 超時空男臣 」喺古代未見過電話,當然十分好奇!

超時空男臣
超時空男臣


蝦頭自稱還珠格格,仲話要同三位「超時空男臣 」結盟!

超時空男臣

$5 個嘅火機都俾「男臣」當係寶!


2.《 超時空男臣 》版「大海無量」

《 超時空男臣 》第一集就出現大量「精彩」CG特技,當中最吸睛嘅當然係蕭正楠嘅一招「大海無量」,睇到觀眾眼都凸!而心水清嘅網民就指出「大海無量」喺武打漫畫《中華英雄》入面都出現過喎!莫非係蕭正楠教司徒無量嘅?

超時空男臣
超時空男臣

TVB啲特技真係得啖笑!

超時空男臣

3. 鄭子誠聲音演出

鄭子誠把聲老是常出現,今次《 超時空男臣 》劇組就盞鬼地搵咗鄭子誠做旁白講故仔,交代眾人喺霧林入面迷失嘅情節。鄭子誠個語氣鬼咁詭異,好似聽緊鬼故咁 !唔知之後仲有冇「音樂情人」聲演呢?

超時空男臣

鄭子誠喺劇中飾演太監,仲想刺殺太子妃!

超時空男臣

4.「輕功馬路飄」

三個古人喺《 超時空男臣 》大鬧片場不特止,仲玩到出城!劇情講到蕭正楠佢哋要搵返太子妃,於是就出「京城」搜索,點知「京城」已經今非昔比,三位古人要使出「輕功馬路飄」先成功追到坐喺電單車上面嘅「太子妃」!不過TVB又點會俾佢哋咁易搵到太子紀呢!原來只係一個着古裝嘅路人!想睇佢哋點搵返「真・太子妃」就要等下回分解啦!

超時空男臣

假・太子妃

超時空男臣

蕭正楠除咗「大海無量」,仲識輕功馬路飄!

全文完

延伸閱讀:

大玩穿越時空 《 超時空男臣 》 今晚首播