賊人火速落網莊思明否認獲厚待

東方日報
莊思明不知道偷袋賊是否有同黨。

藝人莊思明日前拍攝無綫劇《超能使者》時,在外景車被人偷去名牌手袋,並盜用其信用卡消費5萬多元,事後警方火速拉人。昨日她現身電視城時透露,警方已再度聯絡她取資料,問是否認為是公司員工所為?她坦言尚未知情:「我只知偷袋嘅人同盜用信用卡嘅唔係同一個人,唔知有冇同黨。(有網民話因為你撐警,警方先咁快拉到人?)唔關事,旺角周圍都係天眼,同埋賊人亂碌信用卡,銀行自然有懷疑,咁先可以咁易追蹤到,當然我都感謝警方幫忙。」