貝安琪再做女一邀發哥城城鬥戲

東方日報
周家蔚(右)指已初步傾合作,大有機會與貝安琪拍住上!

藝人周家蔚、劉香萍與貝安琪等昨日出席電影《一棵心中的「許願樹」》感謝宴,身為導演的劉香萍表示會開拍電影延續篇「兩棵樹」,並邀得張達明幫手度橋。貝安琪除了繼續當女主角,還會將對白翻譯成英文,亦希望邀請洪天明一家、周潤發及郭富城參演,若然孫仔在情況許可下也會出鏡。

家蔚表示雙方有初步接洽:「因為我同天明都係加拿大人,佢係溫哥華,我係多倫多,但我從來冇去過佢嗰邊,只係知當地好靚,都想去。(兩個仔都參與?)佢想嘅,睇吓暑假點啦!出年我想帶佢哋返加拿大,畀佢哋學獨立。(天明接呢套戲?)要睇檔期,佢呢排忙緊內地咖啡生意,開咗十幾間,我就未去過,亦未飲過,反而飲過陳豪嗰啲咖啡!」

劉香萍搵張達明幫手度劇本。
孫仔都有機會粉墨登場!