貓造型亮相首映禮 「啷啷」發聲響 莊端兒超尷尬:俾人投訴

貓造型亮相首映禮 「啷啷」發聲響   莊端兒超尷尬:俾人投訴

莊端兒今日(24/12)為配合出席電影《CATS》首映禮,特別悉心打扮成貓造型亮相,相當維肖維妙十分可愛。端兒直言頭上「啷啷」令她甚為尷尬:「因為要經過商場嘅時間,我一路行佢會一路發出聲響,所以一陣睇戲時要拆咗佢,如果唔係會俾人投訴。」

講到飼養寵物,端兒透露在家中飼養了8頭愛貓,自認自己名副其實是一位貓奴:「屋企啲貓宜家年分別有兩歲至十歲咁大,全部都係領養返嚟,每個月照顧佢哋嘅支出都接近五千,試過以前冬天,7隻貓都患上貓溫症,同前男友兩人用兩個大袋,袋住佢哋睇醫生,嗰次醫生用咗成8千蚊,之後每年冬天都會開暖爐,防止佢哋再出現貓溫症。」

點擊瀏覽《香港01》更多內容和圖集

你可能感興趣:
莊端兒搵男朋友自問要求高:唔係話要超級有錢
【多圖】陳奕迅取消25場演唱會 莊端兒太傷心貼性感相減壓