豬隊友同網民開火 范瑋琪焗現身:想我死?

豬隊友同網民開火 范瑋琪焗現身:想我死?

台灣歌手范瑋琪(范范)早前不滿台灣政府因武漢肺炎禁止口罩出口一個月,喺私人社交網鬧爆,引起網友熱議,雖然佢已經公開道歉但網友仍然唔肯收貨,仲話要抵制其時裝品牌,連老公陳建州(黑人)透過經理人宣布停工,原因想陪伴太太及小朋友。

其好友葛仲珊發文力撐對方,鬧爆網友:「你們故意傷害她,其實是你們錯!」再次引起網友關注,網友直指佢一味支持對方,冇理解過事情嘅始末,亦有台灣網友指台灣出事,但未見佢兩公婆幫過台灣。

沉默一時嘅范范,結果又忍唔住「現身」向網友解釋:「我沒幫過台灣?OK隨便了…無語。」佢直言:「誠心誠意地道歉了,你還需要我怎樣才滿意?去死嗎?」但事後范范同葛仲珊將博文刪除。