譚凱琪聲線嬌俏惡唔出樣

東方日報
原來譚凱琪鬧人也鬧得嬌俏,做她的男友真有福。

郭晉安與譚凱琪為無綫新劇《失憶24小時》拍攝談情戲,譚凱琪指劇中經常要鬧爆安仔,少有溫馨場面,故拍攝時冧滋滋很享受被溝過程。郭晉安則讚她鬧人時聲線像日本女仔般嬌俏,令人不覺得難受。

日前郭晉安與譚凱琪在荔枝角一間日本餐廳拍攝外景,回憶初相識時的甜蜜,飾演壽司師傅的郭晉安為譚凱琪炮製壽司傳情,為劇集留鬚多月的他還剃個皮光肉滑,耳目一新。

譚凱琪很享受拍攝談情戲,她笑說:「拍嗰陣都好冧滋滋,可以好好享受被溝嘅過程,得呢場咁甜蜜,其他都係鬧佢多,成日要用力狠狠地去鬧,要學吓好好運用嗰度氣,鬧得嚟又唔走音,又唔會過火,依家拍完就拿捏得好啲。(男朋友會唔會開始受罪?)我平時好少鬧人(口架),哈哈。」郭晉安笑說:「佢鬧人好似啲日本女仔,把聲好嬌俏,唔會難受。」

讚情節寫實

郭晉安在劇中留鬚示人,到尾聲終可剃鬚,譚凱琪笑說:「係喎,專注望住你對眼做戲,依家先留意到,乾淨咗好多,哈哈。」郭晉安笑說:「你唔覺得好似同咗第二個人拍咩?最開心係我個囡,佢好期待我剃鬚,唔鍾意留鬚。」郭晉安又指劇集煞科後將會放假休息,不過有點捨不得:「套劇好寫實,經濟好嘅時候夫妻之間冇乜問題,經濟唔好就好多拗撬,呢啲亦係社會寫照,好鍾意呢段戲。」

二人回憶於壽司店邂逅,是難得的甜蜜畫面。
郭晉安剃了鬚,拍檔竟然話失覺晒。
譚凱琪氹小朋友吃東西,母愛爆發。