譚凱琪磨練演藝18年《大帥哥》天嬌一角終成代表作

CentralAdmin_OS

近日由張衞健主演的無綫劇集《大帥哥》正熱播,而飾演「大帥哥」妻子 — 葉天嬌的譚凱琪(Zoie)也因此增加其曝光率,引起網民討論。但原來她這條路走來並不容易,磨練了共18年;Zoie曾是有線電視的旅遊和飲食節目主持,不知你又知不知道呢?

撰文:東方新地|圖片來源:東方新地、譚凱琪微博、譚凱琪Instagram

延伸閱讀:

Selina公開變瘦秘訣 3個月體脂30%減到21%!

47歲黎姿:「敵不過xx的命運!」 網上突然愁爆訴苦!

譚凱琪《大帥哥》天嬌一角終成代表作

譚凱琪(Zoie)與有線幫洪永城、黄翠如、陳貝兒、陸浩明及李佳芯等人在無綫的成就都有些少差別,Zoie可算是最遲彈起的一位。不過Zoie並沒有比較,更替他們感到高興。

Every year on this day we party #1911 #50plus1 —————————————————————————— * * Wardrobe: #marialuciahohan Jewelleries: @qeelinjewellery #qeelin #qeelinjewellery Heels: @giuseppezanotti Hair : @jamieleehair MakeUp: @vena_vena

A post shared by 譚凱琪ZOie (@zozotam1o1o) on Nov 20, 2018 at 10:01am PST



近期熱播電視劇《大帥哥》Zoie飾演「大帥哥」妻子葉天嬌成功入屋,她指連住宅保安都叫她做「天嬌」,可謂角色非常入屋。Zoie表示今次飾演的角色其實相當有挑戰性,身為間碟的「天嬌」亦正亦邪,對「大帥哥」又愛又恨,絕對是對演技的考驗!



Zoie去年飾演《不懂撒嬌的女人》的Annie姐時,在現實生活中逛商場都被售貨員稱做Annie姐,就像劇中巡鋪般一樣,並同時證明她的演出是有人看的。



早在天嬌和Annie姐出現前,Zoie的演出亦多次引起網民熱論。而最經典便是《踩過界》中的行為藝術家 — 魏雨珍,劇中的她需要透過赤裸去表達人生和女性的價值及意義,當時的一幕「全裸」更是令觀眾最為記得。



Zoie在2000年以歌手身份入行,2007年加入有線電視,主要參與旅遊和飲食節目的主持,直至Zoie在2013年加入無綫後,隨即在《我們的天空》擔任單元主角。37歲的Zoie並說從前屬摸索階段,在每一個節目累積經驗,加入無綫後則是一個大轉變。Zoie 五年內參演超過10部劇集,可謂事業發展節節上升。



Zoie指在《大帥哥》中的演出是最令她滿意的,並希望可以一直進步。



譚凱琪入行之路

原來譚凱琪是誤打誤撞入行的,她說到:「我家姐以前有拍廣告、電影,細個見佢好似幾好玩喎,係會有呢個諗法、憧憬,以前咪好多星探喺街搵 model,青春時期好鍾意影 相,就行出咗第一步做硬照模特兒,大約兩、三個月後有個 casting,就去,完全唔知係招聘緊乜嘢,無耐就問有無興趣做歌手。」

譚凱琪
譚凱琪

當年以小室哲哉徒弟之名出道,又去了日本幾個月學跳舞、唱歌、日文,她指:「有見過小室哲哉,但其實見得唔多。啲同學會覺得好好奇,成日問我娛樂圈係點,好多人會關注,但係無諗點樣會紅。」。

結果不似預期般紅,Zoie就說:「接住就有朋友介紹去台灣,之後識到張惠妹個監製,簽埋約,不過嗰時嘅國語又真係幾差嘅,又唔興拍劇配音,局限咗,留咗一年度,又無咩嘢做,唔知喺度等咩,都幾難受,後尾都有拍一啲大陸劇同廣告,但我所有屋企人同朋友都喺香港,諗吓覺得都係算啦,就返咗嚟香港。」。

中間的空窗期,Zoie表示:「自己接吓啲freelance,去過一間日本公司做文職,做咗幾個月,之後有人搵我做啲主持方面嘅嘢,都係覺得好似適合我啲,朝九晚五嗰啲時間太拘限嘞。」,最重要知道自己想點。

自覺落後於人

她續言:「零收入都試過有一、兩年,好彩我唔係大使,又同屋企人住,屋企又有得食飯,當然我睇到同年齡嘅朋友日日返工、不斷增值,覺得自己好似落後於人。」,過後唯有力追。

至於屋企人有冇給壓力,Zoie則說:「佢哋好好,無畀任何壓力我,但反而呢種先係無形壓力,會唔好意思㗎嘛,我會係儘快令自己脫離呢個狀態。」,相信每個人都不希望自己成為家人負累。

無悔入TVB

近年入TVB,Zoie發展愈來愈好,她反而笑言:「可能我入去嘅時機係好少少,因為咁啱走咗一批人。雖然的確係遲咗入TVB,但我覺得有心唔怕遲嘅,總算試過,就算得唔得都無憾。初初都有猶疑嘅,因為要放棄之前所有嘅嘢,但留喺以前公司,我做多十年,都係咁嘅啫,突然間好想有個轉變。」,一試的確無妨!

「我覺得比我預期中好,每接一套劇,個角色戲份都會愈嚟愈重, 監製畀好多機會試好多唔同嘅角色,我覺得係感恩嘅,無後悔入 TVB。」,至少要無悔。

在《不懂撒嬌的女人 》Zoie做媽咪角色,她認為自己不應該揀戲拍,說:「我覺得咩都 可以試,試咗人哋覺得你做到,係一件開心嘅事,做完阿媽 突然我又做番少女角色,幾咁好,戲路會闊啲囉!」,人生就是放手一試。

終於獲得肯定

之前,她獲得馬來西亞「 飛躍進步獎」,Zoie表示非常開心,「始終入咗公司唔係好耐,呢個獎係一個鼓勵、 肯定,我覺得對一個演員嚟講,每一個獎都係好難得,一張成績表話畀你聽進步咗好多,係好開心嘅事!」,也許獲得肯定比一切更重要。

去年失落無綫台慶「最佳女配角」,但獲馬來西亞星光薈萃頒獎典禮頒發「最喜愛飛躍進步 女藝員」獎:「會鞭策自己更加努力,唔可以退步。」
小時候的志願是做空姐,因為希望免費周遊列國,「後來入咗行,拍旅遊節目,唔使錢有得去旅行,有人安排好晒行程,仲唔使 serve人,覺得好好!」

面對公司不同藝員間的競爭,Zoie就話無去想太多點樣去突圍而出,「做好個根本囉,真係做好啲戲先!我唔係好順風順水,可能自己有去經歷過,到遇到某個角色、某啲情緒,就抽番嗰啲情緒出嚟用。可能睇番 以前啲相,諗番嗰時啲情緒,好多嘢都可以幫助到。」, 人生歷練反而幫助了自己工作。

被封「 動L女神 」

網友封譚凱琪為「 動L女神 」,她反而無介意,「《EU超時任務》我有場戲要色誘戴耀明,影到佢條褲凸起咗少少,其實我覺得真係角度嘅問題啫,有時坐低條褲都會摺起㗎嘛,如果佢企喺身就話啫!我覺得好好笑囉,呢個係一個笑話!」

《EU超時任務》演性感「 水晶梨 」, 色誘戴耀明一幕,被指令對方動 L,被網友封「動L女神 」, 人氣急升。「都好多謝網友起個咁嘅名,先有多啲人覺得搞笑,睇吓係發生咩事。」

大讚張衛健專業

提到《大帥哥》,譚凱琪即說;「好專業,轉數超快,記性好好,幾頁紙嘅對白,佢可以一口氣一輪嘴講晒,仲要可以零N G,同埋度晒對白,諗吓可以點改,令成件事好啲,連我哋啲對白都寫埋,係好專業!」

「如果我嗰場戲有咩疑問,需要一齊去排練,佢會同我哋一齊練,練到OK為止。佢脾氣好好,我未見過佢鬧過人。我哋依家仲有個群組,佢成日發放一啲正能量嘅訊息出嚟畀我哋,我哋間唔中都會出嚟食飯。」,看來大家都因此劇都變得非常友好!

結婚計劃

Zoie男友係金融才俊、餐廳少東,她笑言:「其實我哋大家都係好努力去工作,唔係唔做嘢就可以生活嗰啲,餐廳係當時一齊去經營,開餐廳唔一定係賺錢㗎嘛!我哋嘅生活模式我覺得好舒服,譬如我接到廣告,會邀請佢食飯:『今 日我想請你去食好少少!』係嗰種無分你我,大家好舒服咁生活。」,大家齊齊為生活搵錢。

對於結婚,Zoie大方明言有計劃,更直言:「結咗婚都照做呢行,依家都興咁樣。依家啲觀眾唔會因為你結咗婚就唔鍾意你。」至於生BB,她則指40歲前,「依家醫學都好昌明,再大個少少都應該仲可以生得嘅,係自己辛苦少少啦!」。

「多謝太太令我學識點照顧人!」蕭正楠公布已娶黃翠如為妻

《萬千星輝頒獎典禮2018》梁烈唯、林淑敏榮獲最佳男、女配角

題材新穎又貼地 《跳躍生命線》榮獲最佳劇集獎項

與唐詠詩分手一年半 洪永城被爆秘撻30歲「長腿冰女」

洪永城撻著長腿模特兒 前度唐詩詠開口回應

【萬千星輝】視后之爭添壓力 李佳芯逼男友投自己一票

網民:「對眼就嚟黐埋一齊喇!」 人妻岑麗香驚變獨眼巨人

結婚無耐就想「偷食」陳展鵬被大肚老婆睇到實

5位疑似與粉絲發生桃色事件男星

細數江嘉敏歷代緋聞男友

前「美女學徒」公然胸壓杜汶澤手臂

網民:準備畀人照肺啦!吳若希大爆TVB講明要撐周柏豪

田蕊妮激減7吋腰餐單大公開

39歲廖碧兒激罕派福利 比堅尼照為寒冬中的港人送暖

慶祝IG突破70萬粉絲 D Cup高海寧曬噴血相答謝粉絲

延伸閱讀:

劉詩詩懷孕5個月!48歲吳奇隆宣布做爸爸