譚凱琪性交轉運唔使同男友講

東方日報
譚凱琪笑言拍親熱戲,已學識豁出去。

譚凱琪在懸疑劇《金宵大廈》中借「金丁」陸永性交轉運,劇情荒誕,拍攝時她向出名轉數快的陸永偷師,為腦筋提速,而二人的親熱戲亦變得輕鬆。

譚凱琪在劇集《金宵大廈》飾演無知的會計師,竟然迷信性交轉運,認真荒誕,她笑說:「今次題材幾大膽,以前睇報紙見到性交轉運,心諗咁都有人信?點知依家自己拍番。」劇中譚凱琪與陸永免不了親熱戲,她笑言:「最初接到角色,都有問監製尺度去到邊,咁電視尺度都有限嘅,有啲大膽嘅劇情,都係用對白去交代。」她直言與陸永合作拍攝,都知道搞笑居多:「成件事就變得輕鬆咗,幾好玩、幾有話題性,好多人都話想睇呢個單元!」

豁出去代入角色

凱琪以前拍攝親熱戲會感到相當尷尬,但現時已經習慣,會豁出去代入角色,更不用向男友備案,她說:「以前要備案嘅,依家就唔使特別講,但係劇集播出時就會講聲,佢都接受咗呢啲係我嘅工作,咁樣唔使畀大家壓力,有牽掛做嘢就唔係咁好。」而她與陸永拍親熱戲時會先行溝通,更會採取主動,因男士遇到這些戲會比較避忌,她大爆:「陸永好尊重太太,拍攝前主動同太太備案。」

合作完有進步

劇中她求陸永性交轉運,合作時也有向對方取經:「陸永出名轉數快,我就相對慢少少,開工都會研究吓佢點解轉數咁快,我覺得某程度上係天生嘅,我都想訓練自己轉數快啲,同陸永合作完係有進步嘅。」

場地:九龍東皇冠假日酒店

髮型:Steve@Hair

譚凱琪與陸永拍親熱戲,採取主動也不尷尬。
陸永
譚凱琪