謝賢帶馮寶寶搵青春

東方日報
(左起):馮寶寶、謝賢、林家棟

藝人林家棟監製、謝賢、馮寶寶及賈曉晨等主演的電影《殺出個黃昏》,近日於油麻地的懷舊歌廳拍攝,吸引不少途人圍觀。身為男主角的謝賢讚電影選角出色:「拍戲就多,同咁多𡃁仔拍都係第一次。家棟又話要我變,又唔畀我側起個頭,咪睇佢有咩把炮囉!」談到跟老友馮寶寶再聚頭,他笑言猶如時光倒流:「佢喺我眼中永遠係一個小妹妹,雖然係舊拍檔,但係我期望有新火花,等我帶佢攞番啲青春。」而馮寶寶笑言得知與謝賢合作,即從馬來西亞返港開工。

擔任監製的家棟坦言壓力大:「今次每個角色背後都有自己嘅包袱,佢哋面對好大挑戰,所以要慢慢調整,好彩今次幾位前輩好有突破,主動提出想法,係新人學嘢嘅好機會。」