謝芷蕙P圖失手被網民踢爆:磚牆都歪

唉吔,歪晒喇…

𡃁模出身變網紅嘅謝芷蕙(Cammi)向來係P圖高手,佢更曾經亮相節目《東張西望》剖白「鍾意P咗圖嘅自己」,並親授P圖技術,不過近日佢就「老貓燒鬚」不慎失手!佢喺社交網上載一張喺餐廳靠窗邊嘅自拍獨照,留言:「希望好心情每天都正常營業。」相中見佢展現蛇腰兼澎湃上圍,身材相當火辣,但就有眼利嘅網友發現,佢P圖P到連後面嘅階磚牆都歪埋,笑指估唔到佢都有失手嘅一日。

睇佢啲相就好似睇緊個公仔咁。
對腳有佢兩個上身咁長。
係就係有長腿、蛇腰,不過後面啲階磚就…