謝芷倫密密操晒Body

東方日報
Jan簽新約後事業運旺,密密做冇停手!

藝人謝芷倫(Jan)近年踩過界做KOL拍片晒才藝,趁農曆新年大顯身手,畫兩幅賀年畫應節,寓意「大吉大利」及「一帆風順」!簽約無綫經理人成為「親生女」的她,登台及春茗接個不停,又參演賀歲劇《大醬園》及賀歲片,有份主持的節目《3日2夜》亦緊接出街,氣勢如虹!

總結過去一年,Jan最難忘考獲潛水牌,有機會在《3日2夜》一展所長:「今次去布吉拍攝,嗰度水流好急,仲要潛落18米咁深,真係好緊張,好彩拖實教練先冇畀暗湧沖走!」並預告節目中會泳裝上陣,所以事前加緊操弗:「港姐之後少喺鏡頭前着泳衣,拍之前密密做運動操番實啲腹肌,又戒鹽、戒油炸食物,盡量食得清淡防止水腫,身邊朋友話我好似細咗一個碼。(想多啲性感演出?)拍劇試過,尺度方面冇諗過,等公司安排。」參演處境劇《愛.回家之開心速遞》出身的她,坦言希望日後能「回家」,亦期待《堅離地愛堅離地》順利在港播映。

謝芷倫畫畫應節,寓意大吉大利。