謝東閔急救甩髮危機

東方日報
謝東閔拍劇之餘仲想唱埋劇集歌,為上位盡做!

入行9年的謝東閔,在早前播畢的劇集《丫鬟大聯盟》升呢做「男二」,飾演一位戇直書生,他相當聽監製話,事前狂煲粵語長片學古裝演繹:「第一次拍古裝,喺冬天拍已經好好彩,但係要黐頭套,自己落妝清理膠水清理得唔乾淨,拍完套劇頭髮都稀薄咗,要做深層清潔急救,下次拍古裝要清潔得好啲。」

謝東閔當年參加《超級巨聲2》歌唱比賽入行,去年簽約星夢,今年拍劇之餘都想有機會唱歌:「我對唱歌都幾有信心,希望可以唱吓劇集歌,其實入行後好少唱,但原來出街都有好多人記得我參加過《超級巨聲2》,希望可以再忙啲,依家事業搏殺期。」