謝安琪「閉關」玩Cosplay

東方日報
謝安琪因疫情而取消了部分工作。

剛踏入43歲的謝安琪,昨日到電台宣傳新歌《再度》,Sweet爆透露生日與老公張繼聰二人世界:「佢Book咗間我好鍾意嘅餐廳,同送咗部易用嘅高性能相機,可以一齊影小朋友同狗仔。」她指歌曲於兩年前已錄畢,希望如期於12月12日出碟:「連續3年呢個時間出碟,都知有好多因素影響,上年貨運問題都遲出。」又坦言工作受疫情影響,但未算嚴重:「之前傾落嘅廣告都有繼續,錄音都重新開始。(老公受影響?)都有,啲電影要延遲。(有內地工作?)冇,但我本身要跑Tour,依家去唔到,唔想樂手同工作人員冒險。」

她自言好耐冇出街:「兩兄妹好識自娛,會自創新Game叫我陪玩,例如醫護人員遊戲,我就做傷者休息。(唔騎膊馬?)呢啲留畀爸爸,我喺隔籬幫手影相。」