謀買多層放租 高海寧間中拋胸幫補供樓

1 / 2

謀買多層放租 高海寧間中拋胸幫補供樓

大玩透視誘惑的高海寧,話間中性感先矜貴。

【東方日報專訊】藝人高海寧(高Ling)昨日為「第88屆香港結婚節暨秋日婚紗展」擔任模特兒,穿上一套婚紗及三套晚裝,谷胸上陣,十分吸睛。高Ling表示日前試衫才知會性感,但已經準備好冇得揀,而酬勞則是開心價,更可以供到樓。

開支大要賺錢

兩年前,高Ling以逾五百萬買入油塘中層兩房單位,她說:「今個月尾收樓。(每月供兩萬?)大家數口咁清楚,未計地租、管理費、差餉同家用,好多開支,要賺錢,再儲首期買多層放租。(咁唔可以收起性感?)都可以,間唔中露先矜貴,頭先出場大家都嘩!」

想結婚恨生BB

問到是否買樓與緋聞男友鄧智偉築愛巢?高Ling笑言:「幾驚你話係姑婆屋,愛巢唔需要我買,男方負責。我同佢都冇(愛巢)。」提到兩年後結婚,她說:「冇人講過,人生要有計劃,我鍾意BB,睇年紀生,我心入面係想呢幾年。」30歲的她坦言想35歲前結婚,希望找到好歸宿,但以工作行先。問到是否視鄧智偉為結婚對象及男友?高Ling說:「冇認過,係好好朋友。(單身?)工作重要,救命呀,我未結婚,依家開心。」

文:名人組