認愛張景淳?呂慧儀蜜照當宣傳

東方日報
呂慧儀安排囝囝在家做練習,停課不停學。

藝人呂慧儀與張景淳因合作無綫處境劇《愛·回家之開心速遞》而傳緋聞,加上二人不時在網上晒蜜照,網民「食花生」笑指二人戀情開始浮面。不過,昨日呂慧儀揚言只是「劇情需要」,唔知網民會否失望?

早前因發燒而請假數天的劉丹已精精奕奕復工,日前開工時笑指劇組上下非常疼錫他,令拍攝進度順利。問到眾人可有減少NG?呂慧儀即「自首」說:「全劇最多NG係我,不過都係一次起兩次止啫!」疫情還未減退,一眾演員亦未敢掉以輕心,單立文幽默說:「公司定咗,Cut機後同公眾地方都唔可以打茄輪。(同老婆胡蓓蔚減少Kiss?)隔住口罩OK,但每次都要換口罩。(咁你咪換好多口罩?)哈!我冇打好多年啦!」

唔畀囝囝復課

至於呂慧儀談到復課日子再押後,她坦言屆時未必安排囝囝立刻上課:「會諗啲嘢畀佢喺屋企學,見網上教學會拎落嚟教佢,同埋買定練習畀佢做。(多咗親子時間?)一路都咁上下,我唔使返工就喺屋企。」提到她與緋聞男友張景淳於網上晒甜蜜相,網友紛紛指他們戀情「地上化」,呂慧儀說:「冇戀情,其實啲相係同網上平台合作,配合番套劇啫!冇諗過大家咁大反應。」

劉丹則指孫女「小糯米」的學校已展開網上教學:「佢不知幾興奮,喺屏幕見到成班同學仔,一日上幾堂,上得好開心。呢個方法幾好,我諗學校都會繼續!」

劉丹病愈復工,一眾拍檔都錫住佢。