【詭探前傳】最難忘彭靜結局一幕 沈殷怡:呢一世都唔想經歷!

【詭探前傳】最難忘彭靜結局一幕 沈殷怡:呢一世都唔想經歷!

ViuTV新劇《詭探前傳》為《詭探》的前傳作品,劇集更請來由鄭少秋、陶大宇兩大影帝級演員,各自演釋出80年代的彭百川和鬼成。除以上這兩位領銜演員外,劇中也起用不少年青一代演員,例如大眾比較熟悉的游學修,以及在ViuTV經常出現的麥子樂和陳安立。而然,劇中還有一位飾演秋官劇中囡囡「彭靜」的沈殷怡,一樣受到觀眾注目。劇中她更會有一場形容為「一世難忘」的場口。

《詭探前傳》中飾演彭百川(鄭少秋飾)的女兒「彭靜」的沈殷怡(Shirley),比起其他劇內演員,其實屬初哥一名,事前全無演藝經驗。她接受《香港01》訪問說:「入行之前我一直都係讀Law,同演藝圈完全係兩回事。今次拍劇其實好緊張,因為一入ViuTV就已經即刻有呢個機會。當時都冇上過堂或者裝備自己學演技,所以係好興奮又緊張,拍住其他前輩同演員,真係會驚自己做得唔夠好。」

「用一張白紙」入行拍劇,沈殷怡坦言自己到了現場時也十分緊張,所幸劇組或其他演員也對她愛護有加,不時提點她。「特別係秋官爸爸,佢喺劇入面做我老豆,而拍劇嘅時候又真係當我係囡咁。好多時佢都會關心我,又會令我冇咁緊張,仲會同我對多啲戲。基本上每個有對手戲嘅演員都好願意教我,甚至係導演、副導演,都好肯花時間俾我Warm-Up。最窩心嘅係,阿修、Brain(陳安立)、江若琳同埋秋官,佢哋都會問我:『你使唔使對多次?』以我為主,不厭其煩咁問我使對稿多幾次。」

【詭探前傳】沈殷怡棄做「律師女神」入行拍劇:監製喺IG發掘我【多圖】嚴選5位ViuTV最被低估新女藝人 第1位同馮盈盈比唔輸蝕

每個演員,心中總會有個最難忘的「第一次」。說起參與《詭探前傳》時最難忘的事,她就說:「最困難同埋難忘嘅,都係同一個場面!但係又唔可以講係咩場面,因為會劇透,哈哈,呢個係Surprice嚟嘅,呢一場將會喺差唔多最尾嘅時候出現。我覺得好突破,首先係我未經歷過嘅嘢,我亦都相信我呢一世唔需要經歷,Touch Wood,同埋嗰種情感、嗰種迫切感,或者自己去代入個角色,經歷呢一件事,係真係呢一世都好難忘。」唔通,係遇到恐怖事?

點擊瀏覽《香港01》更多內容和圖集

你可能感興趣:
【多圖】嚴選5位ViuTV最被低估新女藝人 第1位同馮盈盈比唔輸蝕
鄭少秋新劇《詭探前傳》播出撞正恒指大跌千點 網民:丁蟹效應?