許廷鏗拒唱胡鴻鈞作品

東方日報
許廷鏗籌備網上騷,又表示期待盡快再開實體演唱會。

歌手許廷鏗昨日在九龍灣為ViuTV節目《Chill Club》錄影,演繹冠軍歌《無力感》,他說:「第一次上節目,只係錄咗一次,好滿意效果。嚟緊會開網上音樂會唱十幾首鍾意嘅廣東歌,用歌詞串連故事講執着同放下,除咗自己歌,會唱王菲、陳奕迅、吳雨霏嘅歌。(有冇揀胡鴻鈞嘅歌?)今次揀唔到,因為唔清楚版權,同埋都係唱新公司嘅歌為主。」

對於許志安發生偷食事件後前晚復出為節目做嘉賓,主持人趙學而讚他狀態大勇,獲全場拍爛手掌。羅敏莊則說:「聽到安仔講佢太太叫佢要準備好,我哋都覺得佢ready。」