許家傑笑林淑敏鱷魚頭老襯底

東方日報
林淑敏與許家傑互嘲,咁先係好拍檔!

無綫藝人「大小姐」林淑敏與「送水輝」許家傑昨日現身將軍澳電視城,為節目《娛樂大家10點半》錄影。林淑敏笑指遊戲極度適合「大話精」許家傑,自己玩遊戲則輸多贏少。許家傑則笑言未跟汪明荃(阿姐)合作過,今次錄影好像「朝聖」一樣,踢爆林淑敏「鱷魚頭、老襯底」,連飯盒也不敢帶進錄影廠,擔心被主持汪明荃鬧,林淑敏即說:「阿姐真係好照顧後輩,好多年前有套劇做佢秘書,有次唔記得帶劇本,阿姐主動借畀我睇,又提我坐車瞓覺要戴頸箍。」