視帝后鬥戲!黎耀祥呻冇啖好食

東方日報
黎耀祥密密操一個月,乜肌都返晒嚟!

李佳芯有份主演的無綫劇《殺手》,還有兩大視帝黎耀祥及陳豪坐鎮,原本被編為台慶劇,更曾到台灣取景。祥仔及陳豪齊齊飾演殺手,但前者已過氣,後者則是高級職業殺手,全程鬥嘴、鬥打兼鬥氣,相當搞笑。為演活殺手一角,祥仔拍攝前下了不少苦功,笑言是入行30多年來的第一次:「唔知點解呢兩年啲監製都好鍾意搵我拍啲好打得嘅角色,所以都下咗唔少苦功,最慘我係好鍾意食嘢嘅人,但拍前除咗進行斷食之外,仲要匿埋喺Gym Room狂操,好在以前都操過吓,操番啲腹肌、胸肌出嚟都仲可以,大約1個月已經有成績。」陳豪於劇中不用騷肌,與助手李佳芯有感情線,她也表示最難忘就是兩人分手一幕,視帝視后高手過招!

陳豪演殺手,與龔嘉欣有對打場面。