見彩虹如見靚湯!馬國明粉絲勁撐「明湯戀」

相信馬國明見到嘅,都係熱愛獨角獸嘅靚湯!

藝人馬國明日前被東網率先踢爆與湯洛雯(靚湯)拍拖,隨後二人喺社交網認愛,「明湯戀」獲全城睇好!最開心莫過於馬國明嘅粉絲,眼見偶像dry咗成年有多,如今終於抱得美人歸,梗係零舍興奮,仲同蕭正楠一樣「望住湯洛雯就諗起馬國明」!

馬國明嘅粉絲都好鍾意靚湯。

不過今次調番轉,係望住馬國明諗起湯洛雯,尋日唔少人雨後見到彩虹,而馬國明亦係其中一位幸運兒,唔知係咪工作太忙,今日先有時間上載社交網,佢留言問:「大家看到甚麼……?」唔少網友紛紛留言「你同湯洛雯的未來」、「靚湯」、「我哋睇到幸福」,好難得兩邊粉絲都咁支持,睇嚟好事唔會離太遠~

靚湯留言冧男友,勁閃呀!