「西瓜刨」蘭茜變女神 網民驚呼唔認得

真心索!

淡出娛圈多年嘅前DJ蘭茜(簡詠嫻),一棚哨牙係其標誌,更被貫上「醜女」之名!最令人印象深刻嘅一定係喺《驚天動地獎門人》西瓜刨上身表演刨西瓜,不過正所謂「沒有醜嘅女人只有懶嘅女人」,箍咗牙嘅佢蛻變成功靚咗好多,唔少網民都話唔認得佢呀!

DJ Donald(唐劍康)喺Instagram上載合照,蘭茜搭住對方膊頭露齒笑,一棚哨牙已經不復見,成個唔同晒,勁有女神Feel,睇落仲有幾分似湯寶如,網民都留言:「蘭茜靚女咗呀😆」、「蘭茜夫人啊!靚啊!當年由朝早節目聽到她主持夜晚節目!」Donald又晒出當年舊照作對比,森美個薯仔樣亦成為亮點之一,依家真係型咗好多!

而Donald就話:「緣份(分)到,重遇當年帶住我大的前輩們,將我由一舊飯握成壽司,無私的付出心機和時間,假如有食客覺得唔好味,只因為食材本身有問題,唔關師傅事。以為玩手機玩到無(冇)晒記性,但原來我還記得當年每位前輩的教誨。中秋月圓前,先來共團圓,Happy!」

DJ Donald喺IG上載合照,網民都話蘭茜靚咗好多!