被質疑「性侵事件」造假 麥明詩公開警方信件

「十優港姐」麥明詩於12月3日喺網上發文,公開自己幾年前曾於內地遇到性侵。事件引起全城討論,大批網友質疑麥明詩講嘅唔係事實,只係有心抽水。

直到噚晚,麥明詩喺Facebook上載一封警方信件,證明佢就事件曾於2012年8月13日於長沙灣警署報案。

麥明詩表示事件發生於2012年8月5日至12日的內地交流團,過程涉及暴力,但未有發生最壞情況,返到香港後於2012年8月13日報案。佢亦表示收到警方封信後糾結著應否再釐清,因為不想再挑起話題,但佢唔想見到其他遇到同樣情況的人因怕被質疑造假而不敢啟齒。

過去兩個星期麥明詩因為公開事件而被質疑作故仔,佢感謝過去兩星期支持佢嘅每一位,並希望新一年大家能夠多一點體諒,少一點批判。