被讚靚仔過城城 麥包:依家有辦你睇!

東方日報
使乜講!係人都知我靚仔。

藝人郭富城當年在訓練班,被導師指他不及同期的麥長青靚仔。前晚麥長青談及此事,笑言:「依家有辦你睇!」大讚城城是fit爆舞王。

麥長青(麥包)前晚以「仁濟慈善大使」身份出席「仁濟醫院第52屆董事局就職聯歡晚會」,對於近期熱炒郭富城10年前上內地節目受訪影片,當中城城重提訓練班導師指林文龍及麥長青比他更靚仔,麥包說:「依家有辦你哋睇,邊個靚仔啲,其實我都唔知當年導師有咁嘅說法。不嬲都唔覺得我哋嗰屆訓練班有醜仔,好似仲有邵仲衡咁,個個都靚仔。(出產靚仔靚女?)除咗我。(你哋嗰陣會鬥靚仔?)各花入各眼,冇人話城城唔靚仔,嗰陣我哋覺得好似偶像梁朝偉咁,已經係靚仔,望落青靚白淨有少少打扮。(覺得城城好fit?)對唔住,呢度我好偏心,佢一直好fit,係香港嘅舞王。」

鄭嘉穎追B要抖抖

同場還有仁濟醫院董事局主席王賢訊(Vincent)及表哥鄭嘉穎,嘉穎指太太陳凱琳要湊仔未有同行,對於太太表示ready再生,他說要抖一抖:「結咗婚會將自己擺後啲,有咗個仔又再後啲,再生個女再後啲,依家屋企係第一位。」而董事局總理嚴紀雯6月將在港舉行婚禮。

陳敏之為囝囝減產

此外,藝人陳敏之昨日出席仁濟醫院青少年及幼兒服務舉辦的「凝心聚力.守護幼兒」宣誓禮暨「家庭義工推廣計劃分享日」活動,透露為了小朋友而減少拍劇,又剛為囝囝雷子樂報學前班:「依家小朋友學嘅嘢好深,我唔係怪獸家長。」另外,麥包昨日與楊玉梅、葉文輝出席一個有關日本投資及移民的記者會,麥包指獲老闆邀請到日本拍宣傳片,五日內狂吃結果重了四磅。

麥長青唔敢自認靚仔,淨係話訓練班冇個醜,咁佢當年都幾OKo架!
鄭嘉穎與表弟王賢訊起勢講生仔經。
麥長青
陳敏之為了囝囝的成長而減產。