被網友質疑家居隔離有特權 徐嬌嬲豬回應

徐嬌網上反擊網友。

內地女星徐嬌早前去咗美國藝術中心設計學院(ACCD)修讀電影課程,但因為當地新冠肺炎大爆發,為安全起見,徐媽媽就急召個女返杭州。返到杭州後,徐嬌守規則進行14日家居隔離,佢仲將隔離日子寫成日誌放上網,點知就引嚟一大班網民追問佢點解係家居隔離而唔係集中隔離,仲話佢有特權。

徐嬌從美國返回杭州避疫。
之前重裝上機。

對此,徐嬌感到有啲氣憤,佢上載一張二維碼圖片,喺佢嘅健康碼,上面寫住「根據中國相關法律,在疫情防控期間,凡是從境外重點國家/地區來到浙江省的人員,需集中隔離或居家隔離醫學觀察14天」然後徐嬌再同網友隔空舌戰:「對於所有質疑我的人最後回覆一次。我此次獨自居家隔離是合乎規定的,嚴格遵從社區安排,不是特權!當天跟我同一個航班到達的人很多都由區防控指揮部派車接走居家隔離了。退一萬步講,連健康碼上都寫了可以居家隔離,不知各位還有甚麼疑慮?」

到埗後接受家居隔離。
徐嬌上載網友不可理喻的留言。