被爆「小Tony」似手指尾 洪永城反擊翠如淫賤不能移

東方日報
翠如、蕭正楠、曹永廉及洪永城在遊戲中互爆私隱,十分搞笑!

黃翠如、蕭正楠、曹永廉及洪永城(Tony)於昨晚台慶的「真假遊戲」項目中互爆私隱,翠如一開始就自爆睇過Tony全相,並以手指尾比喻「小Tony」長度,阿蕭及阿廉聞言起哄,你一言我一語揶揄,翠如繼續狙擊Tony:「就係因為睇過佢先鍾意阿蕭!」氣得Tony出言還擊:「你真係淫賤不能移!就係喺土耳其睇到?」

其後輪到阿蕭表示婚前曾對同性有興趣,翠如聽罷即訓示老公:「死o架!」阿蕭繼續吹捧自己:「我曾經喺同志榜打低言承旭做榜首o架!」翠如誓不罷休追問:「你當住全香港觀眾講呀!」嚇得阿蕭立刻笠水指是造假。而Tony則透露早前於澳洲拍旅遊特輯時試食新鮮袋鼠鞭及袋鼠精,阿蕭即揶揄:「你成個袋鼠鞭咁嘅樣啦!」被三人句句寸爆的Tony不懂招架,一臉無奈。

黃翠如