被姑仔狂數貪錢 張韋怡否認吞兒子教育基金

東方日報

前落選港姐張韋怡2014年與經營家族生意的有米男友Michael Poon結婚,並誕下一子。不過,張韋怡的姑仔近日在社交網撰文狂數她貪錢、挑撥離間,甚至將老爺給孫兒的100萬教學基金拿來自己報讀北京課程,又爆張韋怡與老公沒有註冊結婚。

張韋怡昨日受訪反擊:「姑仔嘅指控6年前出現喺我老公嘅二哥同阿嫂身上,所以我只係Copy Case。全部都係佢扭曲事實,惡意中傷!我已經啞忍一年半以上,以自虐式零反應對應佢嘅橫蠻。」

張韋怡指自己正忙於創業,不用工作時只想享受親子樂,但對方就不同:「佢36歲未婚,未有穩定感情,冇正常社交圈子,亦冇任何工作經驗,每日只係閒着喺屋企盤算,佢呢啲莫須有指控,交畀老公家庭自己去拆解。(話你攞咗個仔100萬嘅教育基金去讀書?)係扭曲抹黑,老爺畀嘅全數喺我老公戶口。」至於被指未註冊一事,她則回應:「事實婚姻,家庭幸福。」